General Motors Braziliyada 2026-yilgi Chevrolet Tracker Caramelo modelini taqdim etdi. Bu haqda GMAuthority nashri ma’lum qildi.
Bu model Netflix’ning “Caramelo” nomli yangi filmidan ilhomlanib yaratilgan, u sodiq, karamel rangidagi it haqida hikoya qiladi. Chevrolet Braziliya bo‘limining ma’lum qilishicha, Tracker Caramelo maxsus, yagona nusxadagi avtomobil bo‘lib, xayriya auksionida sotuvga qo‘yiladi. Auksiondan tushgan mablag‘ Caramelo instituti orqali hayvonlarni qutqarish va ularni mas’uliyat bilan asrab olishni targ‘ib qilish ishlariga yo‘naltiriladi.
Model Premier toifasiga asoslangan bo‘lib, uning eng o‘ziga xos jihati — Caramelo BR deb nomlangan maxsus bo‘yoq rangi. Ushbu rang Chevrolet’ning 22 mingdan ortiq braziliyalik it egalari ishtirok etgan ijtimoiy tarmoq tashabbusi orqali tanlangan.
“Caramelo” filmi oshpaz va karamel rangli it o‘rtasidagi do‘stlik haqida bo‘lib, Chevrolet bu hikoyadan ilhomlanib, “braziliyaliklarning eng iliq rangi”da yangi avtomobil yaratganini bildirdi.
Yangi Tracker Caramelo Braziliyada itsevarlar bilan bog‘lanish va hayvonlarga yordam berish maqsadida marketing kampaniyasining bir qismi sifatida taqdim etildi.
